Përçarja është korrozioni që gërryen përbrenda fuqinë e përbashkët gjithë shqiptare, asgjëson forcën goditëse të mendimit e të veprimit të kombit të bashkuar. Popullit i ka ardhur shpirti në fyt dhe po i bëhen të padurueshëm karrieristët polikë, të cilët prodhojnë vetëm përçarje e disfatë.
Cilido do duhet ta kuptojë, se përçarësit sot janë një trup i huaj dhe organizëm i gjallë që dëmton rëndë interesin tonë kombëtar.
Populli shqiptar nuk do të dëshironte kurrë gjakderdhje, shpresojmë dhe dëshirojmë nga zemra të mos ketë luftë. Integrimet e tanishme të Ballkanit në Evropën e Bashkuar kërkojnë detyrimisht edhe rrugët të reja për zgjidhjen e çështjes shqiptare. Tani e tutje shqiptarëve, më tepër se në fushën ushtarake, u kërkohet të ndërtojnë të tashmen dhe të ardhmen e tyre edhe në fushat e tjera:ekonomike, kulturore dhe sidomos, në lëmin e diplomacisë.
Diplomacia jonë është e re dhe e papërvojë, por ajo nuk është, pa traditë. Diplomacia është art, as më të talentuarit nuk bëjnë dot me improvizime. Ndërsa diplomacia jonë është e ngarkuar me diletantizëm. Asnjë iluzion nuk duhet të ketë: pa profesionalizëm të lartë, pa zotërimin e lëndës teorike, pa zotërimin të lëndës historike të kombit tonë, pastaj shkencës e përvojës botërore, ne nuk mund të dalim dot e të çlirohemi prej improvizimeve konjukturë të çastit.
Specialasitet në politiken e jashtëm nuk mund të zgjidhen sipas kritereve partiake, apo biografike. Dija përvoja është pasuri e kombit, një parti vjen sot në pushtet e zbret nesër, sepse duhet të zbresë që të pasurohet me nevojat e ngutshme të jetës dhe të gjejë rrugët më të volitshme për zgjidhjen e tyre.
Specialistet, edhe të politikës së jashtme, si kudo, nuk ndërrohen sa herë ndërrohen qeveritë. Ata duhet të vazhdojnë punën e tyre.
Trupi diplomatik që emërohet jashtë shtetit, nuk duhet dhe as që mund të zgjidhet mbi përkatësinë partiake, veç mbi aftësitë personale, përgatitjen dhe talentin e tyre. Ambasadori është specialistë në punën e vet, dhe jo pse i është përndjekur vëllau apo tezja nga diktatura.
Informacionet që i jep opinionit publik duhet të jetë shpejtë dhe i saktë. Politika e jashtme është e lidhur drejtpërsëdrejti me fatin e Atdheut, më saktë me jetën tonë. Ajo nuk mund të kthehet në pronën e askujt.
Shqiptaret do te integrohen ne Evropë si një kombi vjetër, por i qytetëruar, me një ekonomi evropiane, kulturë evropiane dhe një diplomaci të mençur dhe të shkathtë, që u paraprinë ngjarjeve dhe mbron mjeshtërisht te drejtat e shtetit, të popullit dhe të gjithë kombit shqiptar.