Kryeministri i Republikës së Kosovës, Hashim Thaçi i ka dërguar një telegram ngushëllimi familjes Gashi, me rastin e vdekjes së bacës Avdi Gashi, babait të Heroit të kombit, Bedrush Gashi dhe dëshmorit Feim Gashi.
Në telegramin e ngushëllimit ndër të tjera thuhet:
Me dhembje të madhe mora lajmin për vdekjen e bacës Avdi Gashi, babait të dëshmorëve të kombit, luftëtarëve të dalluar të UÇK-së të rajonit të Anadrinisë, Fehim e Bedrush Gashit.
Kontributi i madh i familjes Gashi nga Drenoci i Rahovecit në themelimin dhe mbajtjen e bazave të para të UÇK-së në rajonin e Anadrinisë është një kontribut që do të çmohet gjithmonë nga qytetarët dhe institucionet e Republikës së Kosovës, njofton Kryeministria.
