Thuhet se sytë janë pasqyrë e shpirtit të njeriut, por njeriu nuk mund ta imagjinojë se sa shumë sekrete dhe kuriozitete fsheh ky organ i vizionit. Për t’i zbuluar disa nga këto sekrete, ju mund t’i kuptoni duke lexuar më poshtë.
- Sytë nuk janë gjithmonë me të njëjtën ngjyrë: Ky fenomen në mënyrë profesionale quhet iridis heterokromia. Kjo është një dukuri e trashëguar, megjithatë, ndodh që një person tërë jetën të ketë sytë me ngjyrën e njëjtë dhe me kalimin e kohës vjen deri te ndryshimi i ngjyrës në njërin sy. Nëse kjo ndodh, atëherë është e nevojshme të konsultohet mjeku. E njëjta gjë vlen edhe për foshnjat, familja e të cilëve nuk ka të prekur nga heterokromia.
- Edhe pse lëndimi i syrit dhemb, shumë shpejt shërohet: Për më tepër, gërvishtjet kurohen në më pak se 48 orë! Por nëse dhimbja është e padurueshme, menjëherë duhet të kontaktoni mjekun sepse ajo mund të tregojë një infeksion, i cili mund edhe të çojë në verbëri. Prandaj, duhet të keni shumë kujdes dhe të reagoni me kohë.
- Sytë mund të digjen nga dielli: Prandaj është shumë me rëndësi që të mbani syzet me faktorin mbrojtës. Ky fenomen nuk është i ngjashëm me atë kur lëkura digjet dhe shfaqet skuqja dhe dhimbja. Fjala është se pas një periudhe të gjatë të ekspozimit të syve në diell shkaktohet trashja e indeve brenda syrit dhe kjo dalëngadalë e dëmton të parit.
- Është e mundur që të përmirësohet pamja me kalimin e kohës: Ndodh që njerëzve t’iu zvogëlohet apo përmirësohet pamja me kalimin e kohës, megjithatë ky nuk është gjithmonë një lajm domosdoshmërisht i mirë. Ndryshimet në dioptri ndodhin për shkak të sëmundjeve të caktuara, për shembull diabeti.
- Qendra vizuale është e vendosur në pjesën e poshtme të zverkut: Nervi optik fillon në pjesën e pasme të syrit dhe përmes një vargu të lidhjeve transmeton imazhe vizuale në korën e zverkut. Prandaj, është e mundur që dikush të verbohet në qoftë se rrëzohet me pjesën e pasme të kokës.
- Gjatësia e syrit është e lidhur me vizionin: Njerëzit shkurtpamës kanë një kokërdhok më të gjatë, kurse ata largpamës më të shkurtër.
- Ngjyra e syve varet nga melanociti: Melanociti, qelizat që prodhojnë ngjyrën e lëkurës, janë përgjegjës për ngjyrën e syve tanë. Njerëzit me më shumë melanocite kanë lëkurë, flokë dhe sy të errët dhe numri i këtyre qelizave është i përcaktuar gjenetikisht.
- Shikimi direkt në diell mund të çojë në verbëri: Ju kujtohet truku i fëmijëve me një xham zmadhues, letër dhe rrezet e diellit? Po kështu, syri mund të “digjet” sikurse letra, nëse shikoni një kohë të gjatë direkt në diell. Termi mjekësor për këtë është retinopatia diellore.