Këto tre gjyqtare gjermane kanë dhënë vendimin për një nga çështjet më interesante dhe më të çuditshme në Gjermani.
Tre gjyqtaret nga Dyseldorfi gjykuan çështjen e njohur si “7 prezervativë ju garantojnë 21 orgazma”.
Kjo është motoja e një kompanie prezervativësh nga Berlini, e quajtur Einhorn.
Por një firmë rivale ka vendosur t’i hedhë në gjyq.
Sipas tyre, një prezervativ garanton vetëm një orgazmë, pasi duhet të hidhet sepse është njëpërdorimësh.
Prodhuesit e Einhorn thonë se ky slogan ka qenë një satirë, madje kanë organizuar një protestë në Berlin kundër “kufizimit të orgazmave”.
Megjithatë ka një problem: ata e kanë të shkruar moton e tyre në kuti dhe prezervativët janë një produkt mjekësor, që kërkon shpjegime të qarta.
Për këtë arsye, gjyqtarët e kanë ndaluar reklamën dhe sloganin.