Telefonat e mençur aq shumë ua kanë marr mendtë njerëzve të këtij planeti, sa qeniet humane po harrojnë të përjetojnë momentet e bukura të përditshmërisë së tyre. Fakt ky i cili vazhdon të prek secilin prej nesh nga mania e quajtur “smartphone”.
Nisur nga ky këndvështrim, fotografi i njohur amerikan, Eric Pickersgill, ka realizuar foto të njerëzve në momente të ndryshme gjatë ditës, të cilëve u ka kërkuar të imagjinojnë se janë duke i mbajtur telefonat e mençur në dorë, përderisa ai i fotografonte.
Fotografi amerikan ka menduar që ti bëjë njerëzit të heqin pajisjet digjitale nga përditshmëria e tyre. Projekti ka për qëllim për të treguar varësinë tonë ndaj teknologjisë dhe lidhjes së pavetëdijshëm me teknologjinë e harrimin e njerëzve të dashur për rreth.
Fotograf ishte frymëzuar nga një takim me miqtë e tij në një kafene në Nju Jork. "Ishim ulur me miqtë në Illium kafene në Troy, NY, dhe po takoheshim pas shumë kohësh, por asnjëri se kishte mendjen tek prania e njëri tjetrit, ngase të gjithë ishim të zënë me telefonat e mençur në duar. Kjo ishte e dhimbshme”, thotë Eric.
Ai e ka arritur efektin s ureal me fotot e tij duke i pyetur të huaj dhe miqtë që të mbeteshin në pozitat që rrinë më së shumti por kësaj radhe pa teknologjinë në duart e tyre, dhe ja se si dukesh ata.
Është me të vërtet e kotë që gjithë ato orë të ditës tua “vjedh” teknologjia. Shihni njerëzit dhe gjërat për rreth, janë aq të bukura sa mund të ju ikin nëse nuk dini ti mbani.
