Një hajdut në Modenese të Italisë është detyruar të kërkojë ndihmën e policisë pasi u rrethua nga banorët e zonës gjatë një përpjekje të dështuar për të vjedhur një vilë.
Ishin 3 hajdutë të cilët tentuan të vidhnin vilën, por kur pronarët u zgjuan nga të bërtiturat e banorëve, dy prej tyre mundën të largoheshin kurse i treti e gjeti veten në vështirësi.
Ai qëndronte në tarracën e vilës që do të vidhte, nga frika për t’u përballur me fqinjët e zemëruar.
Hajduti filloi t’i qëllonte ata me shishe dhe gjëra të tjera që mund të gjente, por pa sukses.
Kështu që u detyrua të kërkonte ndihmën e policisë për të shpëtuar nga banorët e inatosur. Karabinierët e bindën që të zbriste nga tarraca dhe i vendosën prangat.
