Një video me përmbajtje shokuese që tregon një nënë teksa 'thithet' për vdekje nga shkallët lëvizëse në sy të djalit, është kudo në internet.
Videoja 15-sekondëshe është ngarkuar në YouTube ditën e sotme dhe mendohet të jenë filmimet e kamerave në qendrën tregtare Jingzhou Shashi Anliang në Kinë.
Në materialin filmik duket qartë që mamaja 30-vjeçare së bashku me djalin e saj ishin në majë të shkallëve lëvizëse, kur toka poshtë këmbëve të tyre fillon të hapet duke e tërhequr brenda gruan e pafat.
Kjo e fundit arriti të shpëtojë djalin nga gracka duke e shtyrë me shpejtësi, ndërsa vet u 'gëlltit' nga makineria, pavarësisht përpjekjeve të stafit për ta nxjerrë prej andej.
Sipas Live Leak, trupi i gruas është gjetur tre orë më vonë. Ky nuk është i vetmi rast që shkallët lëvizëse bëhen shkak i vdekjes së dikujt.
Në fillim të këtij viti një 6-vjeçare vdiq prej një problemi teknik të këtij lloji dhe numërohen edhe dy raste të tjera që kanë përfunduar me vdekje.