Li Hejun – presidenti i kompanisë kineze të prodhimit të paneleve diellore, “Hanergy” – ka humbur 15 miliardë dollarë për vetëm një orë!
Kjo humbje ndodhi kur aksionet e kompanisë së tij në bursën e Hong Kongut ranë për 47 për qind të vlerës së tyre, raporton televizionin amerikan CNN, transmeton Telegrafi.
Vlera e tregut të kompanisë, ku Li mban pak më shumë se 80 për qind të aksioneve, ka rënë për 18.6 miliardë dollarë. Pas rënies së aksioneve, kompania “Hanergy” ka pezulluar menjëherë veprimet e mëtejme, ndërsa askush në kompani nuk ishte në dispozicion të komentojë këtë humbje.
Para kësaj rënie, aksionet e kompanisë gjatë vitit të kaluar u rritën me 62.5 për qind, ndërsa vlera e kompanisë gjatë muajit prill – kur aksionet e saj ishin në kulmin e tyre – kishte vlerës prej 45 miliardë dollarëve.
Në saje të rritjes së aksioneve të kompanisë gjatë vitit të fundit, Li u bë kinezi më i pasur në botë, përkatësisht kishte larguar nga kjo pozitë themeluesin e kompanisë Alibaba, Jack Maa.
Pas këtyre humbjeve, Hong Kongu ka filluar të kryejë hetimet se mos po bëhet fjalë për manipulimin e ‘shekullit’.
Vlen të theksohet se “Hanergy” ka seli në shumë vende të botës dhe ka të punësuar mbi 15 mijë njerëz.
