“Incidenti diplomatik” Kinë-Rusi , shkak tigri Putinit

Ndryshe

“Incidenti diplomatik” Kinë-Rusi , shkak tigri Putinit

Më: 26 nëntor 2014 Në ora: 23:06

Tashmë ka filluar të flitet, edhe pse me shaka, për një “ashpërsim” të marrëdhënieve ndërkombëtare mes Kinës dhe Rusisë.

I gjithë faji është i sulmeve të dy tigrave siberianë, të shpëtuar dhe adoptuar vite më parë nga presidenti rus Putin, por të liruar më pas në kuadër të një projekti për mbrojtjen e llojeve në rrezik zhdukjeje.

Dy ekzemplarët, me siguri të shoqëruar nga tigra të tjerë, kanë kaluar kufirin duke kërkuar gjahun e tyre në Kinë, raporton agjencia shtetërore e lajmeve “Xinhua”.

I detajuar jepet prej saj edhe sulmi i kryer nga felinët e egër: pasi kanë kaluar lumin Heilongiang, që ndan dy vendet, ata kanë vërshuar nëpër fshatra duke bërë një masakër të vërtetë dhish dhe pulash.

E nëse në frontin kinez nuk ka dyshime se sulmet janë vepër e tigrave të Putin, nga ana tjetër dyshimet ekzistojnë.

Portali www.siberiantimes.com, që citon ekspertët që kujdesen për ruajtjen e tigrave në rrezik zhdukjeje, shkruan se nga lokalizuesit elektronikë që u janë vendosur tigrave të presidentit rus rezulton se, ata edhe pse kanë kaluar kufirin nuk janë përgjegjës për “masakrat”.

Por e vërtetë është se për shkak të ashpërsimit të dimrit, ekziston rreziku që felinët të kryejnë sulme të tjera.

Më të lexuarat
Sot mund të lexoni Shfletoni kopertinat