Një foshnje në Kinë lindi me 4 duar dhe 4 këmbë, por mjekët e spitalit të Guangdongut ia hoqën me sukses gjymtyrët e tepërta dhe tani, 4 ditë pas operacionit, bebja është në gjendje të qëndrueshme.
Djali 13-ditësh nga Huizhou u lind i bashkuar në gjoks me binjakun e tij parazit. Kryekirurgu Yu Jiakang shpjegoi: “Duhet të ishin binjakë, por njëri prej tyre nuk u zhvillua siç duhej dhe u deformua.”
Babai i të voglit fajëson veten për faktin se nuk është kujdesur sa duhet për bashkëshorten e tij gjatë shtatzënisë.
“E kisha mendjen vetëm tek puna dhe tek lekët. Duhej ta kisha çuar gruan për kontroll më shpesh”, tha zoti Chen.
