Ai është një burrë tullac, i gjatë dhe është bërë gjysh. Ajo është një vajzë bionde. Megjithatë, ai ia doli të bënte një fluturim ndërkombëtar me pasaportën e saj, duke shpëtuar pa u vënë re nga autoritetet.
Neil Clulow, 50 vjeç, nuk u dallua që po përdorte dokumentet e udhëtimit të së dashurës së tij, kur mori avionin në aeroportin e Birmingamit dhe u nis për të festuar 50-vjetorin e tij në Benidorm. Ai po udhëtonte vetëm me një çantë dore, ndaj duhet të tregonte vetëm lejen e fluturimit për të kaluar sigurinë e aeroportit. Ai kaloi pa u vënë re nga autoritetet spanjolle. Gabimi u kuptua prej tij vetëm kur miqtë po krahasonin fotot e pasaportave të tyre dhe ai pa se kishte përdorur dokumentet e partneres së tij.
Clulow u habit përballë faktit se autoritetet nuk e kishin dalluar diferencën midis tij dhe fotografisë së pasaportës.
“Nuk e besoj se kjo mund të ndodhë, veçanërisht pas telashit me fluturimin e humbur malajzian. Është e pabesueshme”, u shpreh ai.
Ai duhet të paguante 70 paund për ta dërguar pasaportën në Spanjë, por u detyrua të priste në hotel për tre ditë.
