Dy ansamble korale kroate mbajnë koncert në Prishtinë - Bota Sot
Dy ansamble korale kroate mbajnë koncert në Prishtinë

Muzikë

E diel, 24 qershor 2018

Dy ansamble korale kroate mbajnë koncert në Prishtinë

Më: 8 prill 2018 Në ora: 07:32
Në koncert do të interpretohen vepra nga Domenico Bartolucci, Nikolai Rimski Korsakov e Miho Demoviç

Dy ansamble korale me mbi 70 këngëtarë do të prezantohen sot në mbrëmje me koncert, si epilog i edicionit të 13-të të Festivalit Ndërkombëtar të Muzikës DAM.

Kori "Slavulj" nga Petrinja dhe Kori Akademik i Burrave të Fakultetit të Inxhinierisë Elektrike dhe Informatike nga Zagrebi, do të marrin urdhrat e dirigjentit eminent kroat Josip Delg' Ivellio në koncertin i cili do mbahet në Amfiteatrin e Ri të Bibliotekës Universitare (ish-Instituti i Historisë) në Prishtinë.

Këto dy kore janë duke mbajtur një turne në Kosovë dhe para Prishtinës janë prezantuar me koncerte në Pejë dhe Klinë në kuadër të bashkëpunimit në mes tyre dhe Korit të qytetit të Pejës "Siparantum".

Mes tjerësh në koncert do të interpretohen vepra nga Domenico Bartolucci, Nikolai Rimski Korsakov e Miho Demoviç ndërsa po ashtu do të interpretohet edhe vepra "Agnus Dei" nga dirigjentit e kompozitorit kosovar Memli Kelmendi, vepër kjo e cila është intepretuar në shumë vende të botës nga ansamble të ndryshme.

Koncerti fillon në orën 20:00 ndërsa është organizuar nga Festivali DAM në bashkëpunim me Korin Siparantum.

Sot mund të lexoni Shfletoni kopertinat
Sondazh
test