Një grup kanadez, këngëtari kryesor i të cilit u diagnostikua me kancer në tru, ka dhënë koncertin e tij të fundit të mbarim të një turneu emocional lamtumire, shkruan BBC.
“The Tragically Hip” ka tërhequr një turmë spektatorësh në shfaqjen e tij të fundit në Kingston të Ontarios, të shtunën, e cila u transmetua drejtpërdrejt në gjithë Kanadanë.
Justin Trudeau, kryeministri kanadez që kishte marrë pjesë në shfaqje tha se grupi “kishte shkruar kolonën zanore të Kanadasë gjatë 30 vjetëve”.
Këngëtari kryesor i grupit Gord Downie, 52 vjeç, ishte njoftuar në maj se ishte i sëmurë. Lajmi shkaktoi tronditje në të gjithë vendin.
Gazeta Globe an Mail njoftoi se turi i tij la pas një gjurmë dhimbjeje, por gjithashtu, solli edhe festën në të gjithë vendin.
Kryeministri Trudeau shkroi në Twitter pas koncertit se grupi “ do të ishte përgjithmonë në zemrat tona dhe në listën e këngëve të preferuara”.
Trudeau publikoi edhe një fotografi të vetën duke shkruar në murin e mesazheve të atyre që ai i konsideroi si “Grupi i Kanadasë”.