Konsumimi i tre rreshtave të çokollatës në muaj e ulë rrezikun e sëmundjeve të zemrës për 13 për qind, por konsumimi i përditshëm i çokollatës, e cila përmban shumë sheqer dhe yndyrë, e rrit rrezikun për 17 për qind.
Komponentët natyrorë në çokollatë, flavonoidet, e përmirësojnë shëndetin e enëve të gjakut, ndërsa çokollata e zezë është më e shëndetshmja, e cila e ka nivelin më të lartë të flavonoideve dhe nivelin më të ulët të sheqernave.
Konsumimi i herëpashershëm i çokollatës është i mirë për shëndetin, por i tre rreshtave në muaj.
Sëmundjet e zemrës i prekin më shumë se 900.000 persona në Britani të Madhe, dhe pothuajse një e treta vdes brenda një viti pas caktimit të diagnozës, raporton Daily Mail.
Shkencëtarët besojnë se komponentët natyrorë në çokollatë ndihmojnë gjithashtu në reduktimin e inflamacioneve.
Megjithatë, gjëja më e rëndësishme është konsumimi i moderuar, çokollata është e shëndetshme vetëm nëse hahet herë pas here, thonë studiuesit.
“Çokollata është një burim i rëndësishëm i flavonoideve, të cilat janë të lidhura me reduktimin e proceseve inflamatore dhe rritjen e nivelit të kolesterolit të mirë”, tha hulumtuesi kryesor Chayakrit Krittanawong nga Shkolla e Mjekësisë në New York.
Ai shtoi se, ajo që është më e rëndësishmja, flavonoidet e rrisin nivelin e oksidit nitrik, gazit i cili i zgjeron enët e gjakut dhe e forcon qarkullimin e gjakut.
“Megjithatë, meqenëse çokollata e ka një nivel të lartë të yndyrnave të ngopura, çelësi është në konsumimin e moderuar”, tha ai.
