Parlamenti Studentor dhe Këshillet Studentore të Universitetit të Mitrovicës “Isa Boletini” deklarojnë se po bëhet neglizhencë ndaj tyre nga Ministria e Arsimit, Shkencës dhe Teknologjisë.
Sipas tyre çështjet që ata neglizhohen janë bursat për studentët e dalluar, stopimin e financave të aktiviteteve dhe vizita studimore edhe për shumë çështje të tjera ku shihet diskriminim i hapur.
“Parlamenti Studentor dhe Këshillet Studentore organizojnë protestë paqësore me 11.12.2018 (e martë) para objektit të MASHT-it të. Nisja bëhet nga objekti i Universitetit “Isa Boletini” në ora 11:00 dhe ftohen të gjithë studentët të marrin pjesë në protestë për të kërkuar të drejtat e tyre,” shkruhet në njoftimin e tyre që bënë në faqen e tyre të rrjetit social Facebook.
Për pakënaqësitë e tyre ka disa ditë që studentët e universiteteve të Shqipërisë janë duke protestuar.
