Policia jep detaje për vdekjen e të miturës në Mitrovicë

Mitrovica

Policia jep detaje për vdekjen e të miturës në Mitrovicë

Më: 30 shtator 2018 Në ora: 19:55
Foto ilustrim

Në rrugën “Gani Hajra” në Mitrovicë, ka ndërruar jetë një vajzë e moshës katërvjeçare pasi që nuk ka mundur t’u mbijetoj plagëve të marra nga dyert e oborrit që e kanë zënë atë.

Në këtë incident është e përfshirë edhe një vajzë tjetër e moshës pesëvjeçare, e cila është dërguar në spital dhe është jashtë rrezikut për jetë.

Tragjedia ka ndodhur në oborrin e shtëpisë së viktimës.

“Një vajzë e moshës tre apo katërvjeçare ka humbë jetën si pasojë e dyerve të oborrit që e kanë zënë atë. Ndërsa e lënduar ka mbetur një vajzë tjetër e moshës pesëvjeçare, për të cilën po raportohet se është jashtë rrezikut për jetë. Ngjarja ka ndodhur në oborrin e shtëpisë së viktimës që ndodhet në rrugën “Gani Hajra” në Mitrovicë. Policia dhe prokurorët kanë dalë në vendin e ngjarjes dhe rastin e kanë emëruar si shkaktim i rrezikut të përgjithshëm me pasoja fatale”, ka thënë zëdhënësi i policisë për rajonin e Mitrovicës, Avni Zaiti.

commentFirst article
Më të lexuarat
Sot mund të lexoni Shfletoni kopertinat