Për herë të shtatë u mbajt “Vrapojmë shtigjeve të Enver Zymerit” - Bota Sot
Për herë të shtatë u mbajt “Vrapojmë shtigjeve të Enver Zymerit”

Mitrovica

E diel, 19 gusht 2018

Për herë të shtatë u mbajt “Vrapojmë shtigjeve të Enver Zymerit”

Më: 26 korrik 2018 Në ora: 19:42
“Vrapojmë shtigjeve të Enver Zymerit”

Ngjarja memoriale “Vrapojmë shtigjeve të Enver Zymerit” ka mbledhur sot në qytetin e Mitrovicës një numër të konsideruar të atletëve të klubeve të Kosovës të kategorive të ndryshme, nxënës, qytetarë dhe zyrtarë të institucioneve të sigurisë.

Duke e shpallur aktivitetin të hapur, kryetari i komunës së Mitrovicës, Agim Bahtiri ka falënderuar të gjithë të pranishmit për pjesëmarrjen e tyre në këtë event, sepse siç tha ai, heroi Enver Zymeri dha gjithçka për këtë vend.

Bahtiri: Mendoj se do të jetë një ditë e mirë

“Mendoj se do të jetë një ditë e mirë, në të cilën ju do të vraponi në shtegun e atij që dha gjithçka për këtë vend, dhe sigurisht që edhe ne s’do të kursejmë asgjë për këtë vend”, ka thënë Bahtiri.

Muharrem Zymeri, babai i heroit, u shpreh jashtëzakonisht i kënaqur me përkujdesjen institucionale dhe organizimin e gjithmbarshëm për këtë ditë, sidomos nga kolegët e heroit.

Zymeri: Jam shumë i kënaqur

“Unë kur po i shoh kolegët dhe mbarë Kosova që janë organizuar në këtë ditë, jam shumë i kënaqur”, theksoi Zymeri.

Ndërkaq, Florije Hajra nga Policia e Kosovës, pjesëmarrëse në këtë event, tha se sot ndjehet shumë krenare që është pjesë e kësaj ngjarje. Sipas saj, rënia e heroit në detyrë shtatë vite më parë, është humbje e madhe për Policinë e Kosovës, por u shpreh krenare me punën dhe angazhimin e tij gjatë gjithë atyre viteve në polici.

Hajra: Sot ndihem shumë krenare

“Sot ndihem shumë krenare me faktin se mesazhi i kësaj ngjarje ‘Vrapojmë shtigjeve të Enver Zymerit’, ka të bëjë me ish kolegun tonë të rënë në detyrë shtatë vite më parë…Për neve si kolegë është humbje e madhe, megjithatë mburremi me punën dhe angazhimin që ka pasur gjatë gjithë atyre viteve si pjesë e Policisë së Kosovës”, tha ajo.

Pas përfundimit, organizatorët e kësaj ngjarje shpërndan mirënjohje, medalje dhe shpërblime për fituesit.

Ky aktivitet që u mbajt në shenjë kujtimi dhe nderi në shtatë vjetorin e rënies së heroit të Kosovës, Enver Zymeri, u organizua nën përkujdesjen e Drejtorisë për Kulturë, Rini dhe Sport të Mitrovicës, Federatës Atletike të Kosovës, si dhe Policisë së Kosovës.

Komentet
comments powered by Disqus
Sot mund të lexoni Shfletoni kopertinat
Sondazh
test