Personit me inicialet F. K. i është caktuar arresti shtëpiak prej një muaji.
Gjykata në Mitrovicë ia ka caktuar arrestin shtëpiak prej një muaji personit me inicialet F. K. nën dyshimin se i theu dorën gjatë një sulmi një personi tjetër.
Në kërkesën e prokurorisë të siguruar nga Kallxo thuhet se i dyshuari me 27 shkurt të këtij viti rreth orës 11:00 pas një mosmarrëveshje të mehershme i ka shkaktuar lëndime trupore të dëmtuarit B.K.
Prokuroria në kërkesë e shpjegon se si kishte ndodhur ngjarja në Skenderaj.
“I dyshuari nga bagazhi i veturës kishte nxjerrë një pajser rreth 70 cm dhe e kishte goditur në pjesë të ndryshme të trupit të dëmtuarin”, pretendon prokuroria.
Ajo më tutje tregon si iu thye dora personit me inicialet B. K.
“Kur i dyshuari fillon ta godasë në kokë të demtuarin, viktima me qëllim që t’i shmanget sulmit, ka ngritur dorën pranë kokës ku më pas i dyshuari e goditi në dorë duke i shkaktuar frakturë ( thyerje ) që është lëndim i natyrës së rënde trupore”, thuhet në kërkrsën e prokurorisë.
Prokuroria kërkoi caktimin e masës së paraburgimit për të dyshuarin.
Mbrojtësja e të dyshuarit, avokatja Ardita Përquku, e kundërshtoi kërkesën e prokurorisë duke thënë se me aq sa është informuar nga i mbrojturi i saj ngjarja është nisur nga pala e dëmtuar, e jo nga i dyshuari.
Ajo kërkoi nga gjykata që në vend të masës së paraburgimit, klientit të saj t’i caktohet një masë më e butë, qoftë edhe arresti shtëpiak.
Përquku në gjykatë tha gjithashtu se klientit të saj i është mohuar e drejta për të pasur avokat mbrojtës gjatë marrjes në pyetje në polici, andaj edhe për këtë arsye nuk e dinte saktesisht se si kishte ndodhur ngjarja.
Gjykata vendosi që të dyshuarit t’i caktohet masa e arrestit shtëpiak prej një muaji, duke refuzuar kështu kërkesën e prokurorisë.
Prokuroria ka paralajmruar ankesë lidhur më këtë vendim të gjykatës.
