Nën udhëheqjen e kryetarit të komunës, Agim Bahtiri, dhe në prani të nënkryetarit Faruk Mujka, është mbajtur mbledhja e radhës e Bordit të drejtorëve.
Fillimisht gjatë këtij takimi nënkryetari Mujka, kërkoi nga drejtorët komunal të rishikohet dhe të përfundohet raporti i përformancave, ndërsa mbledhja ka vazhduar me pas edhe me Shefin e kabinetit të kryetarit,z.Nehat Bahtiri, i cili në fjalën e tij kërkoi nga drejtoret që të plotësohet sa më parë pyetësori i vetëvlerësimit të komponentëve të menaxhimit financiar dhe kontrollit.
Më pas drejtori i DKRS, Tafil Peci, paraqiti çështjen e mbylljes së xhirollogarive bankare të institucioneve vartëse të DKR-së, si ajo të Teatrit, Biblioteka e Qytetit, Muzeut dhe Qendrës se Kulturës “Rexhep Mitrovica”, ku theksoj më pas se mbyllja e xhirollogarive bankare po i pengon ata në realizimin e agjendave vjetore të tyre , ai nga zyra ligjore dhe drejtia e Financave kërkoje që të gjejnë një zgjedhje lidhur me këtë problem.
Si pikë e dytë e rendit të ditës drejtori Peci , e shtjelloj edhe çështjen e një koncerti të bamirësisë i cili planifikohet të mbahet në stadiumin “Adem Jashari, ku nga komuna kërkohen 9000 mijë euro për realizmin e këtij koncerti.
Në fjalën e tij kryetari Bahtiri, shprehu gatishmërinë për realizmin e këtij projekti mirëpo fillimisht ai kërkoj nga drejtori Peci, që ta shqyrtoj në detaje planin e organizatorit dhe të informohet saktë se nga do të shkojnë përfitimet nga ky eveniment.
Po ashtu temë diskutimi gjatë kësaj mbledhje ishte edhe funksionalizimi i Qendrës Multifunksionale Sportive,”OMNI Sport”, ku me këtë rast nënkryetari Mujka, theksoj se kjo çështje është në proces dhe meqë kuvendi e ka votuar formimin e komisionit mbikëqyrës të Qendrës Multifunksionale , shumë shpejt pritet të mblidhet komisionin ku do ta formojnë bordin e drejtorëve dhe më pas do të vazhdojnë me realizimin e detyrave të tyre.