Valdete Idrizi është kandidatja e PDK-së për kryetare të Komunës së Mitrovicës.
Lajmin e ka konfirmuar vetë Idrizi, e cila ka thënë që zyrtarizimi i kandidaturës do të bëhet gjatë ditës së sotme.
Valdete Idrizi më parë ishte anëtare e FER-it, ndërsa pas shuarjes së kësaj partie aktivitetet e saj i ka zhvilluar si pjesë e shoqërisë civile.
Idrizi në vitin 2016 ka fituar çmimin ndërkombëtar për paqe “The WIFTS Peace Award 2016”. Ajo ka qenë edhe fituese e parë e Çmimit për Guxim, të ndarë nga Departamenti Amerikan i Shtetit në vitin 2008 edhe Çmimin tjetër për Paqe, që i është ndarë nga federata evropiane “Optimist Internacional”.