Forca e Sigurisë së Kosovës (FSK), në bashkëpunim me Drejtorinë e Integrimeve Evropiane dhe Mirëqenies Sociale, drejtuar nga Qazim Nimani, drejtor, kanë shpërnda ndihma për familjet me kushte të renda ekonomike. Vlera e përgjithshme e ndihmës është 3.630 euro, kurse familjet në nevojë kanë përfituar shumën me paketime ushqimore prej 60 euro.
Parat që u janë ndarë skamnorëve, janë nga aktiviteti i humanitar “Vrapo me FSK”, aktivitet i cili është mbajtur ditë më parë .
Toger Fitore Fazliu tha se ky aktivitet humanitar është bërë tani traditë e organizimeve brenda FSK-së dhe ka për qëllim të promovojë gatishmërinë e pjesëtarëve të saj dhe qytetarëve për bamirësi.
Ajo tha se po ndihet mjaft e lumtur që po i jepet mundësia që me mjetet e siguruara nga qytetarët tanë po ua lehtëson sado pak jetën familjeve që kanë nevojë për mbështetje.
Në anën tjetër drejtori i Integrimeve Evropiane dhe Mirëqenies Sociale, Qazim Nimani, u shpreh të jetë falënderues për këtë iniciativë tejet të rëndësishme të FSK-së për të ndihmuar familjet në nevojë nga komuna e Mitrovicës.
Ai falënderoj drejtuesit e FSK-së dhe pjesëtarët tjerë për organizmin e ndihmave, duke premtuar njëkohësisht se komuna do të vazhdoj bashkëpunimin edhe me të tjerët për organizimin e aktiviteteve të këtilla bamirëse.