Gjatë vizitës që i bëri qytetit të Mitrovicës, shefja e Bashkimit Evropian (BE) për politikë të jashtme dhe siguri, Federica Mogherini, është takuar me Kryesuesin e Kuvendit të Komunës, Bislim Imeri dhe nënkryetarin e komunës, Faruk Mujka.
Kryesuesi Imeri me këtë rast, pasi i uroj mirëseardhje, në emër të komunës, Kuvendit të Komunës dhe të qytetarëve të Mitrovicës, falënderoj shefen e BE-së për politikë të jashtme dhe siguri, Federica Mogherini, që në kuadër të vizitave në Ballkanin Perëndimor, zgjodhi edhe qytetin e Mitrovicës për ta vizituar.
Po ashtu, kryesuesi Imeri falënderoi zonjën Mogherini edhe për ndihmën e deritashme që BE-ja i ka dhënë Mitrovicës në aspektin financiar dhe në veçanti ju falënderua për kontributin dhe investimin e dijes dhe eksperiencës së saj në forcimin e paqes dhe stabilitetit në Mitrovicë, Kosovë dhe rajon.
Zonja Mogherini falënderoj kryesuesin Imeri dhe nënkryetarin Mujka për fjalët dhe vlerësimin që i bënë asaj, duke shtuar njëkohësisht se do të vazhdoj interesimin e saj për të ndihmuar Mitrovicën dhe bashkëpunimin me drejtuesit e komunës, me të cilët tha se do të ketë edhe takime të tjera.
