Pasi ditën e djeshme u njoftuan vendimet e Milot Rashicës, Alban Mehës e Herolind Shalës për të përfaqësuar Kosovën në eliminatoret e botërorit Rusi 2018, sot mësohet se dy emrat e rinj me të cilët po negociohet për të bërë të njëjtën zgjedhje janë Shani Tarashaj dhe Adnan Januzaj.
I pari numëron 5 ndeshje me kombëtaren e Zvicrës ndërsa për të dytin janë 6 paraqitjet me përfaqësuesen e Belgjikës.
Megjithatë interesi më i madh i publikut në Shqipëri ka të bëjë me lojtarët që më parë kanë luajtur me kombëtaren shqiptare e që mund të marrin vendimin për të luajtur me Kosovën duke nisur nga shtatori.