Deputeti i Lëvizjes Vetëvendosje, Faton Topalli ka thënë se zyrtarët e Qeverisë së Kosovës, deri tash kanë kërkuar që opozita të kthehet në kuvend, kurse sot vet ata nuk kanë ardhur në mbledhjen e sotme. Këtë Topalli e ka quajtur bojkotim të Kryeministrit dhe Qeverisë.
Për këtë, drejtori i Institutit Demokratik të Kosovës, Ismet Kryeziu ka thënë se është e drejtë e Topallit për të kërkuar përgjegjësi dhe prezencë nga kabineti qeveritar në sesionet plenare.
Por Kryeziu ka thënë se mungesa e përfaqësuesve qeveritar nuk është bojkotim politik, por neglizhencë dhe papërgjegjësi përball kuvendit.
Kurse për bojkotimin e Opozitës, Kryeziu ka thënë se ai është veprim politik, madje kjo nuk duhet të ketë efekt as në pagat e deputetëve.
“Deputetët janë përfaqësues politik dhe asnjë veprim politik i tyre në këtë rast dhe bojkoti nuk duhet të barazohen apo të shihen me vlerën a pagës”, ka thënë Kryeziu
