Tre persona janë vënë në prangat e policisë së Elbasanit pasi qëlluan me armë zjarri, ndaj policisë mbrëmjen e djeshme.
Ata janë Florenc Çapja dhe Ardian Çapja si dhe miku i tyre Bledar Muça.
elbasannnArdian Çapja njihet si pronar i hotel “Univers” ndërsa Florenci është nipi i tij.
Të ndaluarit dyshohet se qëlluan mbi disa efektivë të veshur civilë, të cilët po kalonin para hotelit të tyre me makinë, duke menduar se mund të ishin kundërshtarët.
Të ndaluarit u vunë në ndjekje të makinës së efektivëve dhe qëlluan me armë ndaj tyre mbrëmjen e së mërkurës, fatmirësisht pa të lënduar.
Florenc Çapja dhe Bledar Muça kanë qenë objektiv të një atentati të ndodhur më 6 qersho, ku një person hapi zjarr me automatik duke plagosur Bledar Muçën dhe një efektive të policisë e cila po kalonte rastësisht në atë moment.
