Pak kohë më parë, Bleona Qerreti pati lajmëruar tek emisioni “Zonë e lirë” se shumë shpejt do ta shihnim në një tjetër produksion filmi hollivudian.
Dhe paska qenë e vërtetë! Sot ajo ka postuar në llogarinë e saj në Instagram disa foto nga ato që mund të jenë prapaskenat e filmit. Në fotot e postuara, Bleona shfaqet me tre nga protagonistët e filmit: Jenny Sanderson, James Chalked dhe Oleg Taktarov. Ajo që mund të kuptojmë nga fotot është se këngëtarja shqiptare është në formë të shkëlqyer. Filmi, pjesë e të cilit është edhe Bleona, titullohet “Dead Trigger” dhe është produksioni i dytë filmik në të cilin Bleona është aktore e mirëfilltë.
