BBC përveç që e ka cilësuar Lipën si yll në pritje, më tutje ka vazhduar duke treguar mënyrën e ngritjes së Lipës dhe fëmijërinë e saj.
Në këtë shkrim thuhet se Lipa deri në moshën 13 vjeçare, kur babit të saj i është dashur që të kthehet në Kosovë për punë, ka qenë pjesë e shkollës së teatrit më prestigjioz “Sylvia Youn”.
Në shkrim thuhet se pas dy viteve që Lipa ishte kthyer në Kosovë, më në fund i kishte bindur prindërit e saj që ta linin të kthehet në Londër për të vazhduar karrierën e saj. Ajo në Londër jetonte me shoqërinë e saj dhe punonte në restorante dhe klube, ku edhe është inspiruar për tekstet e saja.
Mirëpo, Lirim Grajqevci, Ambasadori i Kosovës në Londër, ka reaguar në lidhje me këtë shkrim duke postuar në rrjetin social facebook shkrimin e BBC-së, me mbishkrimin: “pritja ka marr fund”.
