Dua Lipa është këngëtare nga Kosova që po merr famë në tregun ndërkombëtar të muzikës. Ajo së fundi ka kryer një intervistë për median e njohur zvicerane, "20min.ch", ku tregon me krenari prejardhjen e saj nga Kosova. Ngjashëm si Rita Ora, ajo është rritur në Londër të Anglisë. Në vijim Bota sot ua sjell të plotë intervistën e saj.
20min: Dua, ju merrni pjesë në Swiss Music Awards në Cyrih. Jeni e gëzuar?
Nuk di si t’ua sqaroj sesa shumë jam e gëzuar! Unë s’kisha qenë asnjëherë në Zvicër, dhe kjo vizitë e lidhur me punën është super.
20min.ch:Cilat janë pritshmëritë tuaja?
Nëse unë bëj një dalje të përgatitur mirë dhe shikoj Cyrihun, atëherë do jem me fat.
20min.ch:SMA është çmimi më i rëndësishëm i muzikës në Zvicër. I pëlqeni këto shfaqje?
Unë e çmoj energjinë, që dalin nga këto shfaqje. Është një spektakël. SMA është e krahasueshme me Brit Awards në Angli, andaj ndjej pak frikë nga dalja përpara publikut. Për herë të parë do dalë përpara një tepihu të kuq.
20min.ch:Është pak sa e çuditshme sesi ju u bëtë muzikante. Mësuesi juaj ju ka thënë,që s’mund të këndoni.
Po ai vërtetë e ka thënë këtë. Problemi qëndronte se unë nuk mund ti kontrolloja tonet e larta. Kur unë përpiqesha ta bëja këtë, dilnin vetëm angullime nga fyti. Do shkoja sipas mësuesit tim, atëherë sigurisht që s’do kisha karrierë si muzikante.
20min.ch: Megjithatë ju ia dolët. Si?
Pas shkollës fillore unë kam ndjekur Sylvia Young Theatre Schools në Londër, ku kam takuar shumë aktorë të mëdhej.
20min.ch: Ku u erdhi urata për t’u bërë këngëtare?
Babai im ishte këngëtar, që këndonte me një grup të njohur në Kosovë, ODA.
20mi.ch:Si e përshkruani muzikën tuaj?
Unë e quaj atë Dark Pop. Jam ndikuar shumë nga Hi-Hop-i. Ndërsa pasqyrë e kam Pink dhe Nelly Furtado.
20min.ch: Ti i ngjan historisë së Rita Orës. Origjinën e keni nga Kosova dhe je rritur në Londër. Ka lidhje tjera mes jush?
Kush vjen nga Kosova është krenare për të. Kjo na lidh të dyjave. Fatkeqësisht nuk e kam takuar asnjëherë atë.
20min.ch:Ju nervozojnë krahasimet me të?
Ne nuk jemi krahasuar shpesh nga mediat. Shumë më tepër kam dëgjuar krahasimet që më bëjnë me Lana Del Rey.
