Mesa duket çiftet që kanë dalë nga spektakli i “Big Brother 8”, të gjitha po përfundojnë pa sukses.
Pas ndarjes së çiftit më të përfolur Albës dhe Diedonit, si edhe Fatjonit me Xhensilën, të cilët ende nuk po kuptohen nëse janë ndarë apo jo, një tjetër çift është drejt ndarjes.
Bëhet fjalë për Tean dhe Veselin, ku ky i fundit ka rrëfyer për “InfoMedia Albania” se, është në një krizë marrëdhënie me Tean, dhe për momentin ai refuzon të flasi rreth lidhjes së tyre.
Ata deklaruan lidhjen disa ditë pas mbarimit të spektaklit të Vëllait të Madh, ku djali prizrenas doli fitues i këtij reality show.
Vesli është angazhuar gjithashtu, edhe me një projekt tjetër, ai është një nga konkurrentët e “Dance With Me”, ku deri tani po ecën me sukses.
