Një ndër këngëtarët më të kërkuar të kohës, Ed Sheeran, do të udhëheqë ceremoninë e ndarjes së çmimeve të MTV-së për muzikën evropiane, “MTV Europe Music Awards”, raporton Time.
Këtë vit, kjo ceremoni do të mbahet më 25 tetor në Milano të Italisë.
Udhëheqjen e ka konfirmuar edhe vet Sheeran, nëpërmjet një postimi në rrjetin social Twitter.
“Jam shumë i lumtur që do të prezantojë në MTV Europe Music Awards më 25 tetor. Mezi po pres!”, ka shkruar Sheeran.
Vitin e kaluar kjo ceremoni u prezantua nga këngëtarja Nicki Minaj.
