Të jesh një Playboy i famshëm nuk është edhe aq e thjeshtë. Megjithëse djemtë mund të dëshirojnë që të kenë një famë të tillë, sipas përvojës së Ledri Vulës gjërat nuk janë fushë me lule.
Këngëtari është bërë i famshëm pikërisht për shkak të vëmendjes femërore dhe marrëdhënieve të shumta me femrat, disa prej të cilave me koleget e tij. Por pikërisht në kohën kur dukej se gjithçka shkonte për mrekulli, ishte pikërisht një femër arsyeja pse Ledri u largua nga muzika tre vjet më parë.
Raporti me Dafina Zeqirin e përfshiu në një armiqësi me meshkuj të tjerë reperin, i cili pas rikthimit në muzikë është treguar më i rezervuar dhe i kujdesshëm sa i takon jetës së tij private. Aktualisht Ledri deklarohet "single", megjithatë mësohet se zemrën e tij e ka fituar prej muajsh tashmë një vajzë nga Tirana.