Kënga “Për qato” e Unikkatilit nuk ka dyshim se ka përmbajtur mjaft fjalë që u janë kushtuar reperave të ndryshëm, rivalë të mbarë hip hop skenës.
Përkundër se asnjë nga teoritë e para të fansave nuk është konfirmuar, mendohet se të paktën nga një pjesë në këngë Unikkatil i ka kushtuar Gold AG, Getit, Noizyt e Dudës.
Ky i fundit, duket se nuk e ka pritur mirë këtë pjesë.
Të paktën, kështu lë përshtypje një postim në faqen e tij në Facebook, të publikuar sot, pak orë pas publikimit të këngës së Viktor Palokajt.
“Mirëmëngjesi nga kjo botë e vogël ku do na takojë të gjithëve”, ka shkruar ai.
A është ky një mesazh për Unikkatilin? Mbetet të shihen reagimet e mëtutjeshme dhe atë që do ndodhë mes reperëve.
