Pas Sam Smith tani edhe Meghan Trainor ka pësuar një hemorragji në kordat vokale. Bjondja bukuroshe pritej të fillonte turneun e saj “MTrain Tour” më 3 korrik në Atlantic City megjithatë përmes një postimi në Twitter sqaroi se është detyruar t’i anullojë 2 koncertet e saj të para, me urdhër të mjekut.
Sipas saj, doktorët e kanë këshilluar për disa ditë pushim, në mënyrë që të mos i sforcojë kordat deri sa të jenë shëruar plotësisht.
Autorja e hitit “All About That Bass” i kërkoi falje të gjithë fansave, duke thënë se shpreson që të rikthehet tek ta brenda datës 9 korrik.
