Robin Thicke ka folur për hërë të parë në publik sa i përket akuzës për plagjiaturë për këngën Blurred Lines. Këngëtari ka thënë se nuk i intereson shumë se çfarë u tha në gjyq. Ai e di ndryshimin midis frymëzimit dhe vjedhjes dhe absolutisht nuk do të vidhte një këngë të Marvin Gaye por thjesht është frymëzuar prej saj.
Ai ka shtuar se as Pharrell nuk do ta bënte kurrë një gjë të tillë. Më tej Robin ka treguar, se nuk i qëndron deklaratës që ka dhënë në gjyq sa i përket këngës por pa hyrë në detaje, ato gjëra i ka thënë vetëm sepse ishte shumë i trishtuar nga divorci prej bashkëshortes së tij. Kujtojmë se dy javë pas divorcit, Thicke u detyrua nga gjykata amerikane të paguajë një gjobë prej 7.3 milion dollarë gjobë sëbashku me Pharrell, ndaj familjes së Marvin Gaye, me akuzën e plagjiaturës.