Filmi i ri dokumentar për Amy Winehouse shfaq edhe një xhirim nga koha kur këngëtarja ishte shumë e re.
Është fjala për një video të xhiruar në vitin 1998, kur ajo ishte 14 vjeçe dhe në të cilën shihet duke kënduar urimin për ditëlindje të një shoku të saj.
Dokumentari i titulluar “Amy” do të fillojë shfaqjen nëpër kinema gjatë muajit korrik, ndërsa parapremiera është dhënë në Festivalin e Kanës duke marrë lëvdata dhe kritika pozitive.
Premiera e filmit që flet për jetën e këngëtares britanike, e cila ndërroi jetë në moshë 27 vjeçare, do të jepet më 3 korrik në Britani të Madhe, pikërisht në katërvjetorin e vdekjes së saj.