Tea me Kristin janë ulur në ballkon. Ata i rikthehen një bisede të Teas dhe Fatjonit në lidhje me preferencën e Teas, për pjeshkën ose reçelin. Tea ka zgjedhur pjeshkën, duke nënkuptuar që në këtë pyetje, reçeli është Veseli. Kristi i thotë se nëse reçeli është një gjë që i ofrohet atëherë ajo më mirë të zgjedhë pjeshkën, do të thotë diçka që mund ta gatuajë vetë.
Tea thotë se ajo nuk ndryshon dot dhe ka qenë shumë e qartë për pozicionin e saj përkundrejt Veselit. Kristi mendon se Tea duhet të tregojë se nuk ndikohet nga asgjë, ajo bëhet më e fortë. Kristi është i sigurt se meshkujt e shtëpisë e kanë përdorur, kjo tregon dobësi për ta. Sipas Kristit Veseli është i papjekur, ai ka marrë një përgjigje negative nga Tea dhe tani duhet të vazhdojë përpara.
Tea mendon se ato qe kanë ndodhur mund të duken edhe si lojë nga ana e saj, sikur ajo i ka përdorur meshkujt e shtëpisë. Kjo nuk është e vërtetë sipas Teas dhe Kristit sepse po të ishte kështu, edhe këtë javë që kanë qenë në nominim ajo do t’i kishte përdorur në të njëjtën mënyrë.
