Këngëtarja Arta Bajrami e indinjuar me faktin që intervista e dhënë nga ana e saj nuk i është publikuar, ka shfrytëzuar rrjetet sociale për ta bërë publike atë.
Bëhet fjalë për gazetën Shekulli,të cilët kanë bërë një intervistë me këngëtaren Arta Bajrami lidhur me deklaratën e saj për performancën e Elhaida Danit në “Eurosong”,intervistë kjo që për shkaqe që ende nuk dihen nuk është publikuar.
“Arta Bajrami nuk lejon që puna e saj t’i shkoj huq prandaj ja intervista ime për gazetën Shekulli”,ka shkruar këngëtarja duke publikuar këtë intervistë që nuk u lansua në gazetën Shekulli.
1.A mendoni se fjala “skandaloze” që keni përdorur ndoshta nuk mund të ishte e duhura në postim për Elhaidën?
Jo, përkundrazi unë mendoj se ishte fjalë e duhur për të vënë theksin në atë që jam e sigurtë se shumë e mendojnë por nuk kan guxim ta thonë sepse nuk duan të prishin mardhëniet me delegacionin Shqiptar, me mediat ose kan frikë nga reagimet e popullit. Por meqë unë nuk vuaj nga këto komplekse e thash, duke qenë e vetëdijshme se do krijoja shum armiq pasi që kuptohet se në këto momente Elhaida është e përkëdhelura e medias dhe e gjith popullit. Por unë besoj se ne nuk duhet ti frikësohemi sinqeritetit (unë) por dinakërisë dhe hipokrizisë (gjith tjerët që mendojnë si unë por heshtin).
2.Në postimin e fundit që keni bërë në “Facebook” ndoshta jeni penduar disi për atë përkufizim?
Aspak! Në fakt unë vetëm sa e kam përsëritur. Në postimin tim të dytë kam qen edhe me specifike dhe disa pjesë i kam quajtur “stonim total” (shikoni nga minuta 1:28 deri 1:52, pastaj nota e lartë në 2:27). Pse të pendohem për mendimin tim të lirë?
3.Si mund ta quaje ndryshe performancën e Elhaidës?
Performanca më e dobtë ndonjëherë nga Elhaida.
4.Sa i përket këngës si mendoni ju si artiste sa i përshtatet Elhaidës?
Kënga është e bukur dhe i shkon Elhaidës por ekzekutimi i saj live deri më tani nuk më ka bindur. A jan në pyetje emocionet apo diqka tjeter s’mund ta them se nuk jam në lëkurën e saj. Por pasi që ndodhi kjo që ndodhi një fans i imi ma dërgoj një video ku Elhaida përformon këtë këngë në një eveniment në Londër. Edhe aty at notën e lartë e kishte provuar por nuk e kishte kapur dot dhe e kishte lënë fare. Kërkoni në Youtube “Elhaida Dani London” dhe e gjeni. Me zërin që ka Elhaida nuk do duhej të ket probleme me këtë këngë prandaj po quditem.
5.Mendoni vetëm se Elhaida u pushtua nga emocionet?
Jo emocionet mund ta ngërthejn këdo por aty pastaj vjen pak në shprehje përvoja e pak më shumë puna dhe provat, Elhaida duhet ta ushtroj ditë e nat deri sa ta perfeksionoj ekzekutimin live. Duhet përgatitur psiqikisht për ata 3 minuta. You can NOT afford to screw up that moment.
6.Mendoni ju se Elhaida mund ta fitojë Eurovizionin?
Me sa kam kuptuar nëpër shum sondazhe Shqipëria është klasifikuar si favorite ose pretenduese për një vend në top
5. Por mos të harrojmë se kto sondazhe jan të bazuara në verzionin e kënduar në studio dhe nëse live nuk realizohet si duhet mund të ketë efekt bumerang. Mos të harrojmë se juria profesionale i ka dhënë pikët e saj gjat natës së dytë të provave gjenerale dhe jo at natë. Sepse po të ishtë për at natë Shqipëria do penalizohej nja juria.
7.Nga të gjitha performancat që ti dëgjove kush të pëlqeu më shumë?
Të them të drejten e kam dëgjuar vetëm Shqipërinë sepse ka kohë që jam e zënë në studio për albumin tim të ri dhe kur këndoj Elhaida e ndalëm punën për ta dëgjuar dhe pastaj vazhduam sepse jemi intenzivisht duke punuar në finalizimin e albumit. Tani se ç’mu kujtua: albumi im i ri titullohet “Victory”. Çfar koincidence, i uroj Elhaidës vërtet nga fundi i zemrës një performancë brilante sepse nëse këtë të shtunë këndon ashtu si ne jemi mësuar ta dëgjojmë, mund të ndodh edhe ajo që quhet VICTORY.
E cili shqiptar nu do ta donte Eurovizionin në Tiranë?
8.Sipas jush Elhaida kë ka konkurrenten më të fortë në këtë garë?
Në këtë pyetje nuk mund të përgjigjem sepse nuk kam patur kohë ti dëgjoj këngët.
