Përpos mbështetjes së madhe që Elhaida Dani ka marrë nga mediat mbarëshqiptare, ajo tash ka edhe përkrahjen e mediave italiane.
Televizioni italian Sorrisi ka realizuar një intervistë me Skype me këngëtaren shqiptare e cila aktualisht me ekipin e saj po qëndron në Austri.
“Ishte një surprizë e bukur të dëgjoje emrin Elhaida Dani e kualifikuar në finale duke përfaqësuar vendin e saj në garën më të madhe të muzikës në botë”, shkruan në videointervistën e publikuar në faqen e këtij televizioni, shkruan Prive.al.
Elhaida ka shprehur optimizmin e saj në këtë intervistë, duke thënë se ndihet shumë mirë para finales ku do të sfidojë shumë shtetet përfshirë Italinë, një vend që i ka dhënë shumë këngëtares.