Ende nuk është bërë muaji që nga dalja e tyre e parë në publik dhe që tani gjërat kanë filluar të mos shkojnë siç duhet. Ciara dhe i dashuri i saj i ri, futbollisti amerikan Rusell Wilson kanë vendosur të marrin një kohë larg njëri-tjetrit, për të kuptuar më mirë situatën e tyre.
Burime pranë artistes konfirmojnë për E! News se çifti ende nuk është ndarë, por se gjërat për ta nuk po shkojnë aspak mirë. Megjithatë mes angazhimeve me djalin e saj 1-vjeçar, Future Junior dhe publikimin e albumit të ri “Jackie”, besojmë se Ciara do ta kalojë lehtë këtë periudhë të trazuar në jetën e saj!
