Aktori i njohur, Matt LeBlanc, që u bë i famshëm në serialin “Friends” (Miqtë), ka hequr paralele mes telefilmit kult me punën e Shekspirit.
Seriali u transmetua nga viti 1994 deri në vitin 2004.
Aktori bukurosh, që luante rolin e Joey Tribbiani, tha se personazhet e këtij telefilmi kujdeseshin shumë për njëri- tjetrin.
“Ata e donin njëri- tjetrin. Kur bënin humor, ishte gjithmonë humor i mirë. Temat që trajtonim ishin të tilla si miqësia e përjetshme, martesa, dashuria, besimi dhe tradhtia- gjëra që datojnë që nga Shekspiri për shembull, ose për aq sa janë treguar histori”, tha ai për Radio Times.