Ylli i muzikës pop është shfaqur kudo në titujt e gazetave gjatë muajit të kaluar, dhe duket se ka vendosur që të mos e lërë me kaq! Ndarja nga One Direction pas plot vitesh është vetëm hap ii parë nga surprizat që na ka rezervuar Zayn, nga gënjeshtrat “e bardha” kundrejt fansave, ngjashmëria me modelin nga Kosova, e deri te…kjo!
Në daljen e tij të parë publike që nga shndërrimi në këngëtar solo, ai është shfaqur tërësisht ndryshe. Si ta themi…nuk ka më flokë! Ok, ndoshta ka, por i ka prerë aq shumë saqë vetëm ngjyrën e tyre mund të dallojmë. Ai u shfaq në Asian Awards këtë të premte përkrah mamasë së tij Trisha.
