Një sulm i fundit në e-mailet e kompanisë Sony ka vënë në siklet të madh shumë yje të botës së shoubizit.
Informatat në lidhje me audicionet e One Direction, Adele, Rita Ora e Simon Cowell janë publikuar në internet.
Edhe detaje në lidhje me aktorët si Benedict Cumberbatch, Tom Hardy dhe Sacha Baron Cohen, janë publikuar.
Të dhënat e publikuara kanë zbuluar edhe biseda në mes të zyrtarëve të lartë shtetërorë dhe producentëve të Hollywoodit.
Tani WikiLeaks e ka bërë edhe më të lehtë qasjen në këtë databazë. Krejt çka duhet të bëni është të bëni një kërkim me emrin e një muzikanti apo aktori.
Kompania Sony këtë sulm e ka quajtur si “veprim keqdashës kriminal”. Një zëdhënës i kompanisë është zotuar për “vazhdim të luftës për siguri dhe privatësi të kompanisë sonë dhe të mbi 6 mijë punëtorëve tanë”.
Një grup i quajtur “Guardians Of Peace” kanë marrë përgjegjësinë e sulmit. FBI ka thënë se grupi është lokalizuar në Korenë Veriore.
Themeluesi i WikiLeaks, Julian Assange, ka thënë se e-mailet janë pjesë e një “konflikti gjeo-politik”.
