Edhe pse Charlize Theron bën pjesën në mesin e aktoreve më të bukura të Hollivudit, duket se ajo nuk është aq e sigurt në pamjen e saj seksi, çka edhe njëherë e ka përsëritur gjatë intervistës për revistën e modës "Esquire". Ajo gjatë kësaj interviste, ka folur edhe për të dashurin e saj të ri Sean Penn, për të cilin thotë se gjithmonë ka ekzistuar një tërheqje mes tyre gjatë miqësisë 20-vjeçare. “Sean dhe unë jemi miq tashmë 20 vite.
Ai ishte i martuar, unë në lidhje të gjatë, por gjithmonë ka ekzistuar diçka mes nesh”, e ka filluar Charlize rrëfimin e saj.
Aktorja thotë se pikërisht miqësia e tyre e gjatë, është ai ‘përbërësi sekret’ për lidhje të suksesshme dhe të lumtur. “Kam pasur fat me të. Nuk mund ta përshkruajë se sa jam e lumtur, pasi ai është aq seksi. Edhe mua më befasojnë këto fjali, posaçërisht pasi jam mbi 40-vjeçe dhe tingëllojë si një adoleshente. Mirëpo, pikërisht në këtë qëndron magjia i lidhjes dhe jetës sonë, që kam arritur të gjej dikë me të cilin ndjehem në këtë mënyrë”, ka përfunduar ajo.
Ajo nuk e ka përjashtuar mundësinë që së shpejti ata edhe të martohen, ndërsa shpresojnë se edhe do të bëhen prindër, pasi ajo dëshiron shumë të lindë një fëmijë.