Xhensila Myrtezaj thotë se ajo tashmë është një vajzë e rritur, duke “arsyetuar” setin e ri të fotografive të saj.
Këngëtarja së fundi ka realizuar një fotosession nën objektivin e fotografit Renuar Locaj, ku ka hedhur imazhin e vajzës klasike, për të ardhur pak më ndryshe dhe më e rebelizuar për publikun me saj.
“Në fakt, këto janë fotot ku unë shfaqem tashmë e rritur dhe ajo e vërteta, pak para se të festoj 22vjetorin në prill” ka thënë Xhensila për Panorama.
“Kam zgjedhur të realizoj këtë set të ri fotografish, me veshjet e stilit tim të përditshëm dhe që më pëlqen shumë”.
“Vazhdoj të mbetem konservatore për sa i përket veshjes dhe imazhit, pasi më pëlqen të jem brenda kornizës së seriozitetit”, shprehet Xhensila.
