Johnny Depp ka kërkuar ndjesë për mungesën e tij në një konferencë për shtyp me justifikimin se ishte i zënë duke luftuar me një krijesë mitologjike, e cila po e sulmonte.
Ylli i Piratëve të Karaibeve tha se ishte i detyruar të luftonte më këtë krijesë të çuditshme derisa ta hidhte atë nga ballkoni i hotelit në Tokyo, ku aktualisht po qëndron.
51-vjeçari tha se nga ky shkak është detyruar të anullojë promovimin e filmit të tij të ri “Mortdecai” një ditë më parë.
Unë jam sulmuar dje në mëngjes nga një krijesë e rrallë e quajtur chupacabra, ka thënë ai me ironi.
Luftova me të për orë të tëra, këto krijesa janë tepër këmbëngulëse, është shprehur Depp.
Unë jam shumë i sigurt se tani që e hodha nga kati i 23-të, nuk do ta shoh më kurrë. Faleminderit që më kuptuat, ka thënë aktori 51- vjeçar.
