Këngëtarja amerikane Mariah Carey është duke u përballur me një seancë gjyqësore kundër saj.
Një ish-asistente e yllit ka ngritur padi në gjykatën federale të Manhattanit duke kërkuar një shumë të konsiderueshme parash si dëmshpërblim nga Carey.
Ylser Oliver, 49-vjeçare, pohon se këngëtarja e kishte detyruar të punonte shtatë ditë në javë dhe 16 orë në ditë pa pushim dhe pagesë shtesë.
Ajo gjithashtu ka theksuar se Carey nuk i kishte dhënë ushqim gjatë shtatë orëve të punës.
Asistentja e kishte për detyrë që të pastronte shtëpinë e këngëtares në New York, për të paketuar valixhet e saj dhe të kujdesej për nevojat personale të këngëtares.
Në padi, ajo ka pohuar se udhëtoi me këngëtaren dhe se vazhdimisht është kujdesur për nevojat personale dhe private.
Avokati i Oliverit nuk ka saktësuar se çfarë shume parash ka kërkuar klienti i tij.