Këngëtari Chris Martin ka folur për këngën të cilën e shkroi për filmin “Unbroken” të Angelina Jolie.
Lideri i grupit “ColdPlay” ka bërë shaka duke thënë se aktorja e kidnapoi për ta motivuar që të shkruajë këngën e filmit të saj.
Kënga “Miracles” e grupit dëgjohet në fund të filmit të cilin e realizoi aktorja dhe regjisorja Jolie.
“Mora një mesazh nga Jolie dhe më tha: ‘Takohu me mua në këtë lokacion të panjohur. Ti do të përcillesh dhe do të merresh nga shtatë ish-pjesëtarë të forcave speciale”, ka thënë Martin.
“Ata më kidnapuan dhe më goditën në veturë. Pastaj më vunë në gjumë ndërsa u zgjova në një zyre. Aty gjendej Brad Pitti duke bërë pompa dhe Angelina Jolie e ulur në karrige”, ka shtuar ai.
“Aty ishte edhe një burrë që mbante thikën në fytin tim. Anglina më tha: ‘Më shkruaj një këngë, përndryshe do ta pësosh’. Ndërsa Brad Pitti e përkrahte”.
Grupi “Coldplay” janë në mesin e favoritëve për të fituar çmimin “Oscar” për Këngën më të mirë origjinale.
