Në Fierence të Italisë kanë nisur këto ditë xhirimet e sezonit të tretë të serialit televiziv amerikan “Hannibal”, bazuar në romanet e Thomas Harris dhe zhvilluar për rrjetin NBC.
Xhirimet po zhvillohen në qendrën e qytetit toskan, në të njëjtin vend ku në vitin 2001 u xhiruan ato të filmit me të njëjtin titull të Ridley Scott.
Në sheshin e xhirimeve ka qenë i pranishëm aktori Mads Mikkelsen, që interpreton Hannibal dhe më pas aktorja Gillian Anderson, e njohur për rolin e agjentes së FBI-së në “X-Files”.
Seriali, që tregon jetën e vrasësit të pamëshirshëm dhe njëkohësisht gjuetinë e policisë për kapjen e tij arriti shikueshmëri të larta në dy sezonet e para dhe siguroi lehtë dritën jeshile për sezonin e tretë.
Xhirimet në Fierence pritet të përfundojnë këtë fundjavë. Në to janë të pranishëm edhe aktorë vendas.
