Çifti i famshëm i Hollywoodit, Catherine Zeta-Jones dhe Michael Douglas kanë rrëfyer momentet e vështira kur u përballën me sëmundjen e këtij të fundit.
Zeta-Jones rrëfeu se ka qenë në “shok” kur burri i saj Michael Douglas u diagnostikua me kancer.
Aktorja 44-vjeçare ka folur për herë të parë për luftën e bashkëshortit të saj kundër kancerit.
“Ndershmërisht, unë kam qenë me të vërtetë e dëshpëruar, kur morra vesh diagnozën e Michael. Një njeri që kishte aq pasion për jetën, që luftonte për të drejtat dhe më pas për herë të parë e shikon se ai lufton për jetën e tij, është situatë tepër e vështirë” – është shprehur Zeta-Jones.
Douglas tregoi se tre herë ishte bërë diagnoza e gabuar, përpara se të zbulonte se ishte i prekur nga kanceri.
Por tashmë, Michael pas një kursi të plotë kimioterapie, që bëri të humbasë edhe 18 kg nga pesha e tij, më në fund e ka mundur të keqen dhe është i gatshëm për të rimarrë “frenat” e jetës, krah bashkëshortes së tij të bukur dhe dy fëmijëve.
