Ata të dy janë përpjekur ta fshehin marrëdhënien e tyre, por tashmë duket se nuk e mbajnë më dot sekret.
Cameron Diaz nuk është më "single". Aktorja dhe Benji Madden kanë dhënë provën e parë se s'janë thjesht miq, pasi ka dalë një foto e fundit e tyre ku po puthen gjatë një darke në New York. Çifti nuk duket më i ndrojtur për të shfaqur të gjithë "ngrohtësinë" midis tyre, teksa janë dukur tepër të dashuruar sëbashku.
Disa herë më parë, ata të dy janë përpjekur ta fshehin marrëdhënien e tyre. Mirëpo tashmë duket se nuk e mbajnë më dot sekret, edhe sepse raporti i aktores sa vjen e bëhet më i ethshëm me "ish"-in e Paris Hilton. Gjithsesi, përveçse këtyre imazheve, vetë Cameron nuk ka dashur të japë ende asnjë koment për atë që ekziston midis saj dhe Benjit.